Logica Aristotelis ex tertia recognitione. Libri logicorum ad archetypos recogniti, cum nouis ad literam commentarijs, ad felices primum Parisiorum, & communiter aliorum studiorum successus, in lucem prodeant, ferántque literis opem. Nunc ergo ô iuuenes ex Aristotelico opere ceu ex proprio fonte purissimas haurite delibatéue aquas, peregrinas autem tanquam viles lacunas insalubreéque Trinacriae lacus, deuitate. Omne enim malum studijs inseminatum ferè est, quòd authorum literis dimissis, ipsisque authoribus, ad vana glossemata sese totos contulere. Et eos qui non essent authores (ac si apes fucos sequerentur) pro ducibus & delegerunt & secuti sunt. Sed nunc melius studiorum consulite rebus. Si autem dialecticam artem cum modestia suscipitis, consequens est, vt bonae disciplinae redeant omnes. Bonas autem disciplinas morum probitas & vitae decor commitatur omnis, onmisque virtus, quod summopere studijs & optamus, & imprecamur